CERVARESE S. CROCE Storia realmente accaduta Maggio 1927 Gera la domenega dea passion A Salvarese se risolvea na gran question parchè coa sagra i voeva fare tuto el paese resusitare. Se gà rionio da tute e parte de Salvarese e persone pì alte, e perchè l'afare fuse compio i gà meso davanti Carleto Sio. Par inaugurare l'asio dei putei, i gà pensà de fare mie bordei: tre xorni de sagra i gà organizà robe che no i fa gnanca in xità. Parchè la sagra fose pì bea de rostire un bo'i gà avudo l'idea. Insoma ala domenega i o gà meso in speo coe onge, coi corni, e scuasi col peo; con cogo vestio da gran infermiero, lo spunciaa co na forca de fero. Naltri do aiutanti ghe butava l'ogio sui fianchi: par ndar vedere ste cose rare on franchetto bisognaa pagare ma che a poca sente che ndava drento a scampaa fora dal gran spavento. SATIRA AGLI ORGANIZZATORI Con questi sporchi divertimenti xe rivà le ore venti e alora el laoro i gà dovesto fermare par torlo sù al luni, dopo disgnare. LUNEDI' In moto la machina: l'infermieri scomisia sponciare coi feri, el cogo el va tastar sel bò xe oncora bon mal resta co un corno pal pateon. Dopo aver fato xinque, siè giri che tuti quanti gera in sospiri ala vista dea disgrasia capità, suito el speo i gà fermà pà scumisiar de novo el dì drio spunciare el bò davanti e dadrio. MARTEDI' Ormai masa tempo gera pasà da chel bò gera copà. El mandaa on odore coxì fetente chel fasea scampare via tuta la xente Sentindo tuti sto bruto odore i xe corsi a avertire el dotore che par evitare dei bruti mai el gà subito ordinà i funerai; e ancora vanti sera el bò gera sototera. MORALE Eh, povero Salvarese desfortunà coante disgrassie te xe capità co chea bestia poise te ghè infetà meso paese E no te par de fare cosa rara sfidare i coghi de Saonara? Parchè lori lo cosina in te un dì e voialtri voì cosinarlo in te trì. Dunque ve racomando no stè far de sti ati se no propio i ve mena in te na casa de mati.